Andeby Online > Nyhende > Don Rosa slutter å lage teikneseriar
Don Rosa har no sagt i eit intervju at han ikkje kjem til å lage fleire teikneseriar.
Rosa var tilstades på Komiks-festivalen i København 1.-2. juni 2008, og ifølge folk som var til stades på intervjuet med Don Rosa laurdag kveld, har han her sagt ganske tydeleg at han ikkje kjem til å skrive fleire teikneseriar.
«At the Don Rosa interview on Saturday, Don stated he would never make another story. He seemed firm in his decision», skreiv Lars Jensen i The Disney Comics Forum 2. juni. «During the interview, Don said: "One of the reasons is..." And now you're gonna hate me, because I'm not sure I remember what that reason was, but I *think* it was because he wanted to spend more time with his wife.»
Don Rosa debuterte på Disney-forlaget Gladstone med historia «Solens sønn», som blei utgitt første gong i 1987. Etter det har han skrive og teikna ei rekke historier, der den mest kjente kanskje er «Skrue McDucks liv og levnet», som han òg har fått ein Eisner-pris for. Rosa er elska av ein stor fanskare for sine detaljerte skattejakthistorier, og har fleire gonger blitt omtalt som «Carl Barks' arvtakar». Hans siste historie var Skrue-trettitresidaren «Fangen i Sølvdalen», som blei utgitt på norsk i Donald Duck & Co 22-24/2006.
Av Olaf Moriarty Solstrand, lagt til sundag 8. juni 2008
Tilbake til nyheitsoversikta ...
Andeby Online er drive av Olaf Moriarty Solstrand. Alle bilete av Disney-figurar på sidene er © DISNEY og brukt i samsvar med norsk åndsverkslov.
