Andeby Online > Nyhende > Donald-spekka Raptusfestival
Med nylanseringa av Donaldismen, Andeby Online-treff og ei rekke gjestar som har vore innom Disney-seriar, verkar årets Raptusfestival 8.-10. september å bli fullstappa av interessant stoff for glade donaldistar.
På årets program finner vi følgjande donaldistiske innslag:
-- Fredag 17.00: Intervju med <i>Donaldismen</i>-forfattaren Jon Gisle i salen Klokkeklang
-- Laurdag 12.00: Andeby Online-treff i salen Småtroll
-- Laurdag 14.00: Donald-show med den norske Donald-teiknaren Arild Midthun i Peer Gynt-salen – utdeling av et begrensa antall gratis DD&Co nr 37
-- Laurdag 16.00: Disney Fun i Peer Gynt-salen med den italienske Fantonald-teiknaren Giovanni Rigano
-- Laurdag 18.00: Donaldismen-paneldebatt i Peer Gynt-salen med blant andre forfattaren Jon Gisle, leiaren av Norsk Tegneserieforum Morten Harper, og vevmeister for Andeby Online Olaf Moriarty Solstrand.
I tillegg er det fleire av dei andre gjestene som har bakgrunn frå Disney:
Årets hovudgjestar <b>Michael Fry og T. Lewis</b>, som er mest kjente for sin filmaktuelle serie <i>Over the Hedge</i>, har begge bakgrunn med å lage Mikke-seriar. Dei vil vera å finne i Peer Gynt-salen fredag klokka 17.00 og laurdag klokka 12.00, i tillegg til at Lewis aleine er i Peer Gynt-salen sundag klokka 15.00 og at Fry aleine er i salen Klokkeklang sundag klokka 16.00.
Fantonald-teiknaren Giovanni Rigano har i tillegg til Fantonald laga mange andre seriar, som han vil snakke om fredag 18.00 i Klokkeklang og laurdag 18.00 i same sal.
Den norske Donald-teiknaren Håkon Aasnes er først og fremst kjent for å ha laga Stomperud, og det er òg difor han er sett opp på programmet i salen Klokkeklang laurdag klokka 17.00.
<a href="http://www.raptus.no/program.html">Heile programmet finner du her.</a>
I tillegg vil Kelpie forlag lansere ein William Van Horn-biografi ved sin stand i løpet av helga.
Andeby Online-treffet vil vera ein uformell samankomst som rett og slett handler om å treffe andre donaldistar. I samband med at Andeby Online i dei dager har femårsjubileum, vil det dessutan bli kake. Merk at arrangementet i utgangspunktet er opent berre for Andeby Online-brukarar, deira ledsagarar ... og folk som spør pent.
Sjåast vi på Raptus?
Av Olaf Moriarty Solstrand, lagt til tysdag 15. august 2006
Tilbake til nyheitsoversikta ...
Andeby Online er drive av Olaf Moriarty Solstrand. Alle bilete av Disney-figurar på sidene er © DISNEY og brukt i samsvar med norsk åndsverkslov.
